أثبتوا أنكم سوافة صح

لسلام
عليكم ورحمة الله تعالى وبركاته اليوم أعزائي حكت لي جدتي عن حاجة غالية
علينا واجد واجد ومن عمق تراثنا وعاداتنا اللللللللللللله لا يقطعها يا ربي
حكت لي عن المنسج وأنتن يا حراير ما عرفتن غير تجيبن لنا غير أنواع
الجيبات وأنواع الصلصة بالكنطالو والا صدر الدجاج المحشي يا سيدي لا تحشنه
ولا تحمرنه هاتو الدجاجة كاااااملة حطوها في الماء وشوي ملح وراسكن أنتن ما
يبقى منها شي هذي بسيطة...لكن جدتي لما حكت لي عن المنسج وراها جالسة
بجنبي ومركب لها السماعات وتسمع في أغنية عبد الله مناعي غرود عالية وتحكي
لي عن المنسج يا حراير أسمعن أسمعن واش قالتلكن :
يتكون المنسج
من....ياالله ياجدتي إحكي إحكي...يييييييييه جدتي وقصدتها....لا هي قالت لي
نحكي بشرط حراير المنتدى لي تحكي عليه تقول لي واش دور كل عنصر من العناصر
اللي راح نقول عنها في المنسج...يالله برك جدتي طيبتينا.....إيها هيا
أحكمو عندكم...:

القوايم..العفاسة..الرفاعة..والطواي...عصاة النيرة..الذبال..الخلالة..والزباسة...والحكاكة...والجبادة.

ههه يالله يا متعلمات يا مثقفات راه ماهوش ميكرو هذا هذا راهو المنسج.....

وفي الأخير ختمت جدتي حديثها بسؤال : واش هي العادة اللي يديروها بعد ما يقلعوا المنسج مباشرة...؟؟؟؟

شكرا عن الموضوع الرائع